Byggðasafnið á Garðskaga
Byggðasafnið á Garðskaga var fyrst opnað árið 1995 og hefur verið starfrækt síðan.
Safnið er alhliða byggða og sjóminjasafn og er sérstaða safnsins einstakt vélasafn þess. 60 vélar eru á safninu sem eru allar uppgerðar af Guðna Ingimundarsyni sem var fæddur 30. desember 1923 og lést 16. desember 2018.
Safnið hefur ýmsa muni að geyma t.d. gömul útvörp, og ýmis tæki og tól sem notuð voru á heimilum á fyrri árum.
Stærsti hluti safnsins eru sjóminjar og ýmsir hlutir sem voru notaðir við fiskveiðar og fiskverkun á landi. Á safninu er níu metra langur bátur með engeyjarlagi og var hann smíðaður árið 1887.
Í sömu byggingu er svo veitingastaður með gott útsýni yfir stóra og litla vita og útsýni út á haf þar sem möguleiki er að koma auga á hvali.
Opið alla daga kl. 10-17 frá 1. maí til 30. september
Hægt er að panta heimsóknir frá október til apríl
- Heimsóknir hópa sem panta leiðsögn um safnið kosta 10.000 kr. og einnig leiðsögn utan auglýsts afgreiðslutíma.
- Velkomið er að spyrja safnvörð í afgreiðslu eftir upplýsingum um safnið og safnmuni.
- Sarpur.is geymir ljósmyndir af gripum byggðasafnsins og upplýsingar um sögu og gefendur gripa.
Safnastefna Byggðasafnsins á Garðskaga
 Skagabraut 100, 250 Suðurnesjabær |
 425 3008 |
 byggdasafn@sudurnesjabaer.is |
 Byggðasafnið á Garðskaga |
 Byggðasafnið á Garðskaga |